که سکه سور ( رنگین کمان ) keskesor

زیباترین نماد کنار هم بودن و با هم زیستن

دو بیتی کردی ( با اقتباس از دوبیتی ها باباطاهر عریان)

وه ره  روکێ  کو  روخسارت   ببینم

گول   ئو  سونبول  ژ  دیدارت   ببینم

وه ره  رونی بال من هه مو  ده مان

کو   ئه ز   ته تێر    ببینم   نازه نینم

 

دلم   دووره  ب  حالێ   وێ   نزانم

یێکێ   دوێم   کو په یامێ  بشینم

ئه ی خودا  تو  مرنا من دره نگ  که

دا  کو  ئه ز  چاوێن   یارا  خو  ببینم

 

دلم  زار  ئو  حه زینه  چا   نه نالم

وجودم     ئاگرینة      چا   نه نالم

ژ   من   را   دبێژن    چما   دنالي

مرن   ل  به ندا  منه   وا   نه نالم

 

خه مام   خه م   به  خه مخاری  دلم  خه م

خه م هه م مونس ئو هه م یار ئو هه م ده م

خه م   ناهێله  کو    ئه ز     ته نێ     بمینم

ئافه رین    باری که للا    مه رحه با    خه م

 

بێ ته گولشه ن وه ک زندانه د چاودا

گولستان          ئاگرستانه    دچاودا

بێ  ته   ئارامی  ئو  عومر   ئو   ژیان

هه مو  ده ما  په ریشانه     د چاودا

 

بێ ته   لوین    سیاه  ماره    ب چاوان

بێ ته هه ر روژ شه و   تاره   ب چاوان

بێ ته     ده ما      دچمه   گولستانی

گولستان سه ر تا سه ر خاره  ب چاوان

Dilêm ji eşqa rindan gêj û mêj e
Mîjangan levxin ji çavan xwîn dirje
Dilê aşiqan weku darê ter e
Alîk disoje, alîk xwîn dirêje

Zencîrê keziyê xwe belav neke
Çavê xwe yên nêrgizî pirxew neke
Ku tu dixwazî mihrê j’ min bibirî
Dê dem û dewran bibe qe zû neke

 
Dilêm meyla gula baxê te kirye
Sertaser bedenam daxê te kirye
Ez çûm bi lalezaran dil bikim şad
Min dît ku lale jî daxê te kirye

 
Bi dunyayê ez kam nabînim bê te
Ez qedehê ti car nagirim bê te
Dilerizim roj û şev wek biya dîn
Demkê jî aram peyda nakim bê te

 
Her ew dîlber ku xwedyê çavên mest e
Dilê hezaran wek min bi xwe best e
Di nav aşiqên wê mehsîmayê de
Wek şiîrêm hene rast û şikest e

 
Sehergehan fîxana bilbilan e
Bi yada ruwê pirnûrê gulan e
Ji ahê min felekê îdî bes kir
Te'sîr ji nalînên sotî dilan e
 
Li dunyayê wek min dilsotî nîne
Ji derd û xemê min re dawî nîne
Çer bibirrim riya lehya du çavan
Ku birîna dilêm, lêvsotî nîne

 
Xema derdê dilê min bêhesab e
Xwedê zane ku çûkê dil kebab e
Ramûsim dest û bazûyê te cellad
Eger qetlam bikî wellah sewab e

 
Dilêm herdem di nav matemê de ye
Dil de herdem derd û xema te heye
Çi dipirsî “çima stûyê te xwar e”
Stûxwariyam ji xwariya te ye

 
Ji xem, can bedenê de derbeder e
Şûr e û serê min rehîn li ber e
Îrada min nîne li ber vî halî
Dilêm ji ber vê sewdayê heder e

Baba Tahirê Uryan