که سکه سور ( رنگین کمان ) keskesor

زیباترین نماد کنار هم بودن و با هم زیستن

Nameyek bu te
نویسنده : سروش - ساعت ۳:٠٠ ‎ق.ظ روز ۱۳٩٢/٩/٥
 

Eger têl û bêtêl, têlifîzyon û internêt û çet û pet jî tunebana, min dê bikarîya bi arîkarîya têla dilî di gel te peywendî danîya. Were ey istêrka şevên tarî. Evînê çi nîyaz bi peywenda cismanî nîne. Peywenda rastîn peywenda dil û canî û peywenda asimanî ye. Tu jî dizanî, ku heta niha ne emaila te dizanim, ne têl û bêtêla te, ne nav û ne navnîşanên te. Ez nizanim tu kêyî, ji kuyî, ji ku hatîyî, ji kîj mal û malbatê yî, gula kîj gulistanê, xezala kîjan berrîstanê, meya kîjan takistanê yî. Lê ez mestê meya lêvên te û gîrodarê arê reşmarê te û sergêjê bêhna gulnarê te dilbijokê sêv û bihîv û narê te me


Erê ez dikarim bi arîkarîya dilî nameyên evînî ji te ra bişînim û te ya ku min bi çav nedîtî, ji dil û can bieevînim û te di neynûka dilê xwe da ez bibînim. Min nîyazek bi şûşeya têlivîzyonê nîne. Tu her dem di şûşeya dilê min da xwe dinivînî. Her cara ku dilê min lê dide, ew ji min ra zenga têla te ye, ez bi lêdana dilî di gel te peywenda vînê dadinêm û serxwşê gulên baxê te dibim. Min fam bike, bênîşanê