دوو قه‌لی ڕه‌ش

 

ئه‌کره‌م حه‌سه‌نزاده"سه‌ریاس"

له ده‌شتێکی جوان و سه‌وزوو بێ زستانا
دوور له چاوی
هه‌ر ناحه‌زێک
ده‌ست له‌ملی خه‌ونه‌کانیان ڕایان ده‌بوارد
مه‌م و زینێک...
خه‌ڵاتی مه‌م
کانیاو بوو... گوڵ وباخ وبۆن وسه‌مه‌ر
نازی زینیش
شنه‌ی زوڵفی خاوی سونبوڵ، له‌نجه‌ی عه‌رعه‌ر
کڕێوه زانی
هه‌ناسه‌یه‌ک دوو هه‌ناسه
کلووکلوو هه‌ناسه‌ی سارد
ده‌شتی ته‌زان
گڵای وه‌ران
بۆنی له‌باخ و گوڵ فڕان
کانی قه‌تیس
داربه‌ری سیس
نازی زینیش شیواو مه‌میش
هه ر وه‌ک گوڵی ده‌می زریان

هه‌‌ڵپرووکا
ڕووتوقووت بوون داروسه‌وزه‌و
گشت کێو که‌ش
ئێسقانه‌کانی مه‌م وزین
بوونه جێژوان بۆدڵداری
دوو قه‌لی ڕه‌ش...!!

/ 0 نظر / 6 بازدید